THINKING FOOTBALL, BOSGARREN EGUNA

19-03-2018

Gaur, martxoak 19, astelehena, Thinking Football 2018 jaialdiak aurrera egingo du bi dokumentalen proiekzioarekin. 18:00etan The Workers Cup (Adam Sobel, 2018) filma emango dugu. Dokumental zirraragarri horrek 2022an Qatarren izango den Mundialerako estadioak eraikitzen ari diren langile atzerritarren arteko futbol txapelketa baten ingurukoak kontatzen ditu. Langile horien bizi-baldintza kaxkarren eta lehiaketa jokatzen den estadioen handitasunaren arteko kontrastea erakusten zaigu; pertsona horien ametsak eta eguneroko errealitatea.

Ostean, 20:00etan, The Lane (Luke Mellows, 2018) emango dugu, White Hart Lane estadioaren historia kontatzen duen 50 minutuko dokumentala. Londresko iparraldeko estadio horrek 118 urteko bizitza izan zuen, hasiera xumeetatik hiriko ikur bihurtu arte. Irudi artxibo harrigarri baten eta egindako elkarrizketen bidez, zale ospetsuei (hala nola Cliff Jones, Pat Jennings, Glenn Hoddle, Ledley King eta Ossie Ardiles) zein egungo jokalari eta teknikariei (Harry Kane, Hugo Lloris eta Mauricio Pochettino), The Lane filmak klub eta estadio berezi horien istorioa kontatzen du, eta oso maite duten ezkutu baten pean biltzen diren pertsona askorena.

Emanaldiaren ostean, filmaren zuzendaria bi Spur jokalari entzutetsurekin egongo da, Ledley King eta Osvaldo Ardiles, bertaratutakoekin hitz egiteko.

Film guztiak BBK Sala aretoan emango dira. Sarrera doakoa da, lekua agortu arte.

Banatu

  • Sala BBK
  • Euskaltel
  • BCD Travel
  • Melia Bilbao
  • Comunitac
  • 11mm
  • Cinemania
  • Loraldia
  • Metro Bilbao
  • Panenka
  • Cinefoot
  • Libero
  • Off Side
  • Istituto Italiano di Cultura